بلوچستان نا علاقہ آواران ئٹی پاکستانی لشکر لس مخلوق آ سُم کاری کرسہ اسکول نا استاد ئس خَلکنے۔
سُم کاری نا تدینی مالار نا ہند آ مسنے، و بیران مروکا استاد نا چاہنداری عبدالخالق دوست محمد نا پن ئٹ مسنے۔
بی این ایم نا بندغی حق آتا ادارہ "پانک” تدینی ئے پک کرِسہ پارینے کہ دننگا کاریمک بندغی حق آتا لتاڑ آکو و دمدستی دافتا حساب ہلوئی مرے۔ نن پاکستان نا کوالخواہ تیا زور شاغنہ کہ او مخلوق نا رکھ ئنا خیال ئے تخر و جہانی قانود آتا پابند مریر۔
یات مرے کہ اِرا دے ئٹی دا وڑ ئنا دا ارٹمیکو تدینی ءِ داکا مہالو تدوکا دے تیٹ پاکستانی لشکر کولواہ ڈنڈار ئٹی سُم کاری کرِسہ پنچ سالی آ چُنا ستارہ بشیر احمد ئے شہید کریسس۔
