بی این ایم نا بندغی حق آتا ادارہ پانک “ایکس” آ بیان ئس شِنگ کرِسہ ڈسٹرکٹ کمشنر پنجگور زاکر بلوچ نا خون ئنا ترند آ لوز آتیٹ مذمت ئے کرینے۔
پانک ئنا جارکش تینا بیان ئٹی پارینے کہ “ننے دا رپورٹ آتیان فریشانی ءِ کہ زاکر بلوچ ئے بلوچ برانزی تا برخلاف تاغت کارمرز کننگ نا پاکستانی لشکر نا حکم ئے منّپرنگ آ ٹک کننگانے۔ بندغی حق آتا اصول آتے برجاء تخِسہ برانز کروکا تا رکھ کن اونا ثابت قدمی ئے منوئی ءِ و اونا عزت ئے کروئی ءِ، بیدادی نا دننگا گندہ غا کاریم تیان نمن نا سزا تروئی اف۔
او پارے کہ دا خون بلوچستان ئٹی بندغی حق آتیکن بش بروکا تا برخلاف دڑکو و بیدادی نا اسہ فریشان کروک خطرہ ئسے نا نشانی ئے کیک۔ تینا شاری تا حق آتا شرف ئے کروکا سرکاری کارندہ ئے ٹک کننگ قانود نا سربراہی و انصاف نا اصول آتیا مون پہ مون جلہو اسے۔
او پاکستانی کوالخواہ تیان خواست کرینے کہ او دا خون ئنا دمدستی، غیرجانبدارانہ و تیوہ پٹ و پول ئے کرِفر و دا ہیت ئے یخینی جوڑ کیر کہ ذمہ وار آتیان حساب ہلنگ مرو۔
