بلوچ نیشنل موومنٹ نا مسکوہی سیکریٹری جنرل رحیم بلوچ ایڈوکیٹ چاگڑدی حوالکاری تلہ ایکس آ مُسہ پوسٹ آ ساڑی اَسہ تھریڈ ئسیٹی آجوئی خواہوک کماش بلوچ راہشون واجہ واحد کمبر نا بیگواہی آ تینا خیال آتے درشان کرسا پارے کہ پاکستان ئے بیوس کننگ مرے کہ او واحد کمبر ئے آجو کے۔
او پارے کہ پاکستان بلوچ راہشون، کارکن و لس بندغ آتے کوزہ مروک بلوچستان و بلوچستان آن پیشن بیگواہ و بیدس قانود خون ئنا کیہی دہک آتیا ساڑی تینا گندہ غا پالیسی تے ایسر کے۔
او پارے کہ پاکستان ئے بیوس کننگ مرے کہ پاکستان نا زوراکی نا کوزہ آن بلوچستان نا آجوئی نا بلوچ تحریک ئے ورندی تننگ و عمل ئٹی جہانی قانود آتا پابند مرے۔
او ایسر ئٹ پارے کہ پاکستان نا کُنڈ آن بلوچ تحریک آجوئی ئے دہشت گردی پاننگ رد تروک ہیت اسے انتئے کہ اسہ قرن آن ہم زیات وخت آن آجوئی نا تحریک آک جہانی نظام آتے جوڑ کننگ ئٹ کلیدی کڑد ادا کرینو۔
