کاؤنٹر ٹیررازم ڈیپارٹمنٹ نا دعوی ءِ کہ مستونگ ئٹی اَسہ مونتس ئسے نا وختا اِرا سلاہ بند بندغ خلنگانو۔
سی ٹی ڈی نا پاننگ ءِ کہ لیویز، پولیس و کیو آر ایف لشکر نا اوڑدئی آپریشن و مونتس ئٹی اِرا سلاہ بند بندغ خلنگانو۔
سی ٹی ڈی کھسفوکا بندغ آتا چاہنداری ئے دائسکان پاش کتنے، ولے تدوکا وخت ئٹی سی ٹی ڈی نا مونتس آتا دعوی دروغ ثابت مسُنو۔
یاتی مرے کے تدوکا دے مستونگ ئٹی سلاہ بند بندغ آتا سُمکاری آن ڈپٹی کمشنر پنجگور بیران و نیشنل پارٹی نا راہشون و میونسپل کمیٹی پَنجگُور نا چیئرمین عبدالمالک ٹپی مسُنے۔
تُدینی آن پد ہند ئے لشکر گھیرہ ٹی ہلِسہ آپریشن بناء کریسس ولے سی ٹی ڈی نا دعوی آن چپ دا سما تمتنے کہ دا بندغ آک مونتس ئٹی خلنگانو یا مُست آن بار سی ٹی ڈی دروغ ئنا مونتس ئٹ مالو آن بیگواہ کننگوک بندغ آتے خلکنے۔
