بی ایل اے نا جارکش جیئند بلوچ تینا شنگ کروک درشان ئٹ پارینے کہ ننا سرمچار آک شال، خضدار، تربت و قلات ئٹی کوزہ گیر پاکستانی لشکر و لُٹ و پُل نا ڈٹ آتا مڈی تے دروکا اُلاخ آتے ٹِک کریر و خواننگ جاہ تا دورہ کرسا پِن ئنا پاکستان نا آجوئی نا دیوان تے ایسر کریر۔
او پارے کہ سرمچار آک اینو بروری روڈ شال ئنا اسکول ئسے نا دورہ کریر، ہراڑے کوزہ گیر پاکستانی لشکر نا پاننگ و زور شاغنگ آ پِن ئنا آجوئی نا دیوان ئسے نا تیاری مننگ اس۔
اونا پاننگ اس کہ سرمچار آک خواننگ جاہ ئٹی ساڑی استاد و چُنا تون اوڑدئی کریر اوفتون کوزہ گیر ریاست نا نیمہ آن مروکا پِن ئنا آجوئی نا دیوان، دنیا نا مونٹی بلوچستان نا جنگی حالیت ئے ڈھکنگ نا زی آ ہیت کرسا اوفتے حالیت و زمہ واری تیان پُہہ کریر۔ دا خواننگ جاہ نا استاد آک سرمچار تتون امنّا کرسا دیوان ئے ایسر کریر۔
او پارے کہ ہندن بی ایل اے نا سرمچار آک اینو شام ئنا نُہہ و پانزدہ منٹ نا وختا مسِن تا کالج سریاب مِل شال ئٹی کوزہ گیر پاکستانی لشکر نا کنڈ آن مروکا پِن ئنا آجوئی نا دیوان نا تیاری تیا دستی بمب ئٹ جلہو کریر۔
ترجمان پارے کہ ایلو نیمہ آ سرمچار آک بازگیر خضدار ئٹی کوزہ گیر پاکستانی فوج ئنا اِرا پند آ ہِنوکو کارندہ ئے ہمو وخت آ دستی بمب ئٹ ٹِک کریر ہرا وخت آ او تینا کیمپ آن خُڑک گشت کریرہ، تراک ئٹی ہڑتوما کارندہ آک ٹھپی مسر۔
اندن اونا پاننگ اس کہ دا یام ئٹی اِستو پین اسہ جلہو ئسیٹی سرمچار آک تربت شار ایئرپورٹ روڈ آ کوزہ گیر پاکستانی فوج ئنا چوکی ئے گرنیڈ لانچر ئٹ ٹِک کریر، ہراڑے دشمن فوج ئے جانی نسخان رسینگ نا حوال ارے۔
او ودیک پارے کہ بی ایل اے نا سرمچار آک اینو بدرنگ منگچر قلات ئٹی سیندک نا لُٹ ع پُل نا ڈٹ کن مڈی دروکا ٹرالر آ جلہو کریر، او گاڈی نا غُٹ ٹائر آتے برسٹ کریر، جلہو ئٹی اسہ ڈیور ئس ہم ٹھپی مس۔
او ایسر ئٹ پارے کہ بلوچ لبریشن آرمی دا جلہو تا زمہ ئے منّک۔ کوزہ گیر پاکستانی فوج و اونا شریک آتیا ننا جلہوک برجاء مرور۔
