مستونگ ئٹی سلاہ بند بندغ آک بھلو کچ ئسیٹی کوئٹہ آن کراچی آ ہنوکا بنجائی دگ ئے چھار گھنٹہ اسکان تفِسہ اُلاخ آتے پٹنگ بناء کریر۔
اُلاخ آتے پٹنگ نا وختا سلاہ بند بندغ آتا و لیویز نا نیامٹ جھڑپ ہم مس۔
حوال تا رد ئٹ مستونگ نا ہند کھڈ کوچہ ٹی ٹک نا ہند آ کراچی آن کوئٹہ آ ہنوکا بنجاہی دگ ئے بھلو کچ ئسیٹی سلاہ بند بندغ آک چھار گھنٹہ اسکان تفیر، اُلاخ آتے پٹنگ نا وختا لیوز و سلاہ بند بندغ آ تا نیامٹ اَسہ جھڑپ ئسے نا حوال ہم رسینگانے، ہراٹی جانی نسخان نا ہم حوال ارے
دائسکان جلہو نا زمہ واری ئے ہچو تنظیم ئس ہرفتنے۔
