بلوچستاب لبریشن فرنٹ نا ترجمان تینا شنگ کروک درشان ئٹی پارے کہ سرمچار آک کیچ ئٹی چار جتا ءُ جلہو تیٹی کوزہ گیر پاکستانی لشکرئے ٹک کرسا جانی و مالی نسخان تسُر و سرویلنس کیمرہ تے ہم ٹک کرسا نسخان تسُر۔
او پارے کہ اولی جلہو ئٹی سرمچار آک نُہہ اگست آ شام ئنا ہشت بجہ آ ناصر آباد ئٹی اڈ مروکا دشمن نا چوکی ئے بھلا سلاہ تیٹ نشانہ کرسا جانی و مالی نسخان تسُر۔
او پارے کہ ایلو جلہو ئٹی سرمچار آک یانزدہ اگست نا شام ئنا ہشت و نیم بجہ آ کیچ ئنا بھلا شار تربت، آپسر ئٹی اڈ مروکا دشمن لشکر نا بھلا کیمپ آ بھلا سلاہ تیٹ جلہو کریر۔ ہراٹی دشمن ئے جانی و مالی نسخان رسینگانے۔
ترجمان پارے کہ مُسٹمی جلہو ئٹی سرمچار آک تربت شار ئٹی تعلیمی چوک آ اڈ مروکا کوزہ گیر پاکستانی لشکر نا چوکی ئے بھلا سلاہ تیٹ ٹک کریر ہراٹی دشمن نا اسہ کارندہ ئس خلنگا و اسٹ ٹپی مس۔ سوب مند جلہو آن پد سرمچار آک سلامتی ئٹ پیشتمار۔
او ودیک پارے کہ اسہ پین جلہو ئسیٹی سرمچار آک تربت ائیرپورٹ کسر آ دشمن فوج، آئی ایس آئی و ایم آئی نا خلوکا جاسوس کیمرہ تے ٹک کرسا ناکارہ کریر۔
او پارے کہ دشمن بلوچ سرمچار آتا جلہو آن ہنداخس خُلیس نا گواچی ءِ کہ لس بندغ آتا سُمکاری کرسا تینا خُلیس ئے ایسر کننگ نا بےسوب کوشست کننگ ءِ، ولے جنگی حکمت عملی تا ماہر سرمچار آک دشمن ئے ٹک کرسا سلامتی ئٹ پیشتمنگ ئٹی سرسوب مریرہ۔
او پارے کہ چھانڑدہ اگست بلوچ راج کن مون ءُ دے ئسے و دا مون انگا دے ئنا رس ئٹ مروکا پروگرام آک بلوچ سرمچار آتا نشانہ غا مرور۔ بلوچ الس کوزہ گیر نا پروگرام آتیان مُر مریر انتئے کہ نن اوفتے ار وخت ہم ٹک کننگ کینہ۔
او ایسر ئٹ پارے کہ بلوچستان لبریشن فرنٹ دا جلہو تا ذمہ واری تے ہرفک و بلوچستان نا آجوئی اسکان کوزہ گیرئے نشانہ کننگ نا قول کیک۔
