بلوچ لبریشن آرمی نا جارکش تینا شنگ کروک بیان ئٹی پارے کہ سرمچاراک کیچ ئنا ہند تمپ و زامران ئٹی ارا کاروائی ٹی کوزہ گیر پاکستانی لشکر نا راشن و کسر جوڑ کروکا کمپنی نا مشین تے ٹک کریر۔
او پارے کہ بی ایل اے نا سرمچار آک تمپ ئنا ہند شاہ آپ ئٹی کوزہ گیر پاکستانی لشکری نا کیمپ آ راشن دروکا لاری ئسے کوزہ کریر۔ سرمچار آک ڈرائیور ئے تڑی ترِسہ یلہ تسُر۔
کوزہ گیر لشکر سرمچار آتا جلہو آن سیول لاری تے تینا راشن کن کارمُز کننگ ءِ۔ نن مُست واضح کرینون کوزہ گیر لشکر نا راشن دروکا بندغ آک تینا جان و مال ئنا نسخان نا ذمہ دار تینٹ مرور۔
او پارے کہ بلوچ لبریش آرمی نا سرمچار آک اسہ پین کاروائی ئسیٹی درے ننکان زامران ئٹی پاکستانی لشکر نا روڈ جوڑ کروک کمپنی نا مشین تے تراک ئٹ بھس کریر۔
او ایسر ئٹ پارے کہ لد ئنا ہند آ کوزہ گیر لشکر نا کیمپ ئنا کیب آ سرمچار آک روڈ جوڑ کروک کمپنی نا مشین تے شورو نا تراک ئٹ بھس کریر۔ بلوچ لبریشن آرمی دا ہڑتومکا جلہو تا ذمہ واری ئے ارفک۔ کوزہ گیر لشکر نا بلوچستان آن تیوہ پیشتمنگ اسکان ننا کاروائیک برجاء مرور۔
