بلوچ راجی مُچی آن اسہ دے مُست 27 جولائی آ مستونگ آن پاکستانی لشکر نا دو آن زوراکی ئٹ بیگواہ کننگوک مُسہ بندغ آجو مرسا اُرغا سر مسر۔
شابیتی حوال تا رد ئٹ ورنا تے بیست و ہفت جولائی آ مستونگ آن بلوچ راجی مچی نا کاروان آن پاکستانی لشکر دزگیر کرسا بیگواہ کریسس ہرا اینو آجو مرسا اُرا غا سر مسنو۔
آجو مروکا تا چاہنداری زبیر بلوچ، انیس بلوچ و بزید بلوچ نا پن ئٹ مسنے۔
خیال ئٹ مرے کہ 28 جولائی آ بلوچستان نا دریابی شار گوادر ئٹ بلوچ یکجہتی کمیٹی نا کنڈ آن اسہ مُچی ئس بلوچ راجی مُچی نا پنا اڈ تننگا ہراٹی اوار مننگ کن تیوہ بلوچستان آن بندغ آک پیشتمار ولے اوفتے جتا شار تیٹ توننگا و گوادر شار آ ہِننگ کن التور۔
مستونگ نا ہند آ فورسز آک کاروان آ مون پہ مون سم کاری ہم کریر ہراڑان چھانڑدہ بندغ ٹپی مسر و کیہی تے پاکستانی فورسز آک دزگیر کرسا بیگواہ کریر ہرافتیان مُسٹ اینو آجو مسنو۔
