بی ایل ایف نا جارکش میجر گہرام بلوچ میڈیا ٹی شنگ کروک تینا درشان ئٹی پارینے کہ سرمچار آک یانزدہ اگست آجوئی نا دے بلوچستان مستونگ، کوالواہ و ہیرونک ئٹی مُسہ جلہو کریر ہرافتیٹ دژمن ئے جانی و مالی نسخان رسینگا۔
جارکش پارے کہ سرمچار آک یانزدہ اگست نا سہب آ مستونگ ئٹی پاکستانی لشکر نا میجر نا اُرا غا دستی بمب خسّار ہرا اُرا نا بنجاہی دروازہ نا مونا تمِسہ ترخا ہراڑان اُرا ئے نسخان رسینگا۔ تدوکا شام سرمچار آک کیچ ئنا ہند ہیرونک ئٹی فوجی چوکی ئسے آ کبین و پوسکنا سلاہ تیٹ جلہو کریر ہراٹی دژمن ئے نسخان رسینگا۔
او پارے کہ اَسہ پین جلہو ئسیٹی تدوکا نن کولواہ ٹی کڈے ہوٹل آن خُڑک ساڑی لشکری چوکی آ سرمچار آک تومکا پارہ غا تیان کبین سلاہ تیٹ جلہو کرِسا مُسہ کارندہ خلکُر و اِرٹ کارندہ ٹپی کریر۔
جارکش پارے کے چھانڑدہ اگست اَسہ مون ءُ دے اسے، و دا دے کوزہ مروک بلوچستان ئٹی کوزہ گیر نا آجوئی نا پِنا بلوچ سرزمین آ کوزہ گیر نا کُل مجلس آک ننا نشانہ غا مرور۔
جارکش ایسر ئٹ پارے کہ بلوچستان لبریشن فرنٹ دا جلہو تا زمہ واری ئے ہرفک و بلوچستان نا آجوئی اِسکان دا جلہوک برجاء مرور۔
