بلوچستان نا ضلع کیچ ئٹی دَرو شام ئنا نادُرست آ بندغ آک پاکستانی لشکر نا چوکی ئے جلہو ٹی ٹک کریر۔
شابیتی حوال تا رد ئٹ دَرو شام ئنا دوانزدہ نیم بجہ نا وختا نادُرست آ بندغ آک کیچ ئنا ہند ہیرونک ئٹی ساڑی پاکستانی لشکر نا کیمپ ئے جلہو تیٹ ٹک کرینو۔
ہندی حوالکار آتا پاننگ ءِ کہ جلہو نا وختا ہند ئٹی سُمکاری و تراک آ تا توار بننگ مسنے۔
حوالکار آتا دعوی ءِ کہ جلہو ئٹی فوج ئے نسخان تونبمون تروئی تمانے و جلہو کار آک پیشتنمگ ئٹی سرسوب مسنو۔
دائسکان جلہو نا حوالہ ئٹ کالخواہ تا کنڈ آن ہچو تران مونا بتنے و جلہو نا زمہ واری ئے ہم ہچو تنظیم ئس دائسکان ہرفتنے۔
