بلوچستان لبریشن فرنٹ نا ترجمان تینا شنگ کروک درشان ئٹی پارے کہ بلوچ سرمچار آک ہفتہ غا دہ اگست نا شام ئنا پنچ بجہ آ خاران نا ہند لتاڑ و شیروزئی نا نیام آ اڈ مروکا دشمن پاکستانی لشکر نا چیک پوسٹ آ راکٹ آتیٹ جلہو کریر ہراٹی لشکر ئے جانی و مالی نسخان ہرفوئی تما۔
او پارے کہ بلوچستان لبریشن فرنٹ دا جلہو نا ذمہ واری ئے ہرفک و الس آن خواست کیک کہ اوفک دشمن نا پن ئنا چھانڑدہ اگست نا مجلس آتیان مُر مریر، بلوچستان اسہ کوزہ مروکو ڈیہہ اسے ہراڑا پاکستان نا کوزہ ءِ۔ ہندا سوب آن دشمن ئے تینا پن ئنا آزادی نا مجلس اڈ کننگ نا حق اف و نہ اوفتے اجازت تننگ مریک کہ دشمن و اونا ہندی کمکار آک پن ئنا آزادی نا مجلس اڈ ایتر۔ دننگا مجلس آک سرمچار آتا ترجیحی ہدف آتیٹی اوارءُ۔
او پارے کہ بلوچ سرمچار و بلوچ راجی آجوئی نا تحریک ئے بلوچ الس نا تیوہ کُمک و مخ تفی تُد ءِ، ہرا تحریک ئے سوگو بنداو ئس تننگ ءِ، و ہچ با سما ءُ بلوچ ئس کوزہ گیر پاکستان نا پن ئنا آزادی نا دے ئے منپک و نہ دا پروگرام آتا بشخ مننگ خواہک ولے بلوچستان نا جتا جتا ہند آتا کوزہ گیر لشکر بندغ آتے زور ئٹ اُراتیان کشیسہ چھانڑدہ اگست نا پروگرام تیٹی اوار کننگ کن دیک تاکہ اوفتے تینا رکھیفنگ کن بلوچ سرمچار آتا جلہو ئٹی کارمرز کیر و تینے رکھیفیر۔ بندغ آتے تینا رکھیفنگ کن کارمرز کننگ پاکستانی لشکر نا بلوچ سرمچار آتا خلاف پاشءُ بے سوبی اسے۔
