بلوچستان نا بنجائی شار شال ئٹی بلوچستان یونیورسٹی نا مونا برانز ئنا وختا “بلوچ زنک کشی” نا چیدہ نا تختہ جک کننگا۔
مُسہ بشخ ئٹی اوار دا یاتگار ہمو ہزار آتا کچ ئٹ بلوچ آتا کسہ تا چیدہ ءِ ہرا زنک کشی نا گواچی مسُر و تینا ڈیہہ ئٹی ریاستی زوراکی نا پلویڑ ئٹ بسر۔
دا چیدہ نہ بیرہ بلوچ ئے مروکا زوراکی تے یات تننگ نا کاریم ئے کیک بلکہ جہانی مخلوق آن بلوچستان ئٹی مروکا بندغی حق آتا لتاڑ و اوفتون جنگ کننگ کن اسہ کال ئسے نا وڑ ئٹ کاریم کیک۔ دا یاتگار کن اندا جاگہ گچین کننگا تاکہ یونیورسٹی آ بروکا نسل آتے تینا باوہ پیرہ آتا جہد و قربانی تیان چاہندار کے۔
مجلس ئٹی ہیت کروکا تینا ساہ تے قربان کروک آتا یاد ئے رکھیفنگ نا اہمیت و دا ڈوہ تا گواچی مروکاتے انصاف تننگ کن وکالت نا خواست آ زور شاغار۔
دا مُچی زند ئنا کُل بشخ آتیان سیالی تخوکا بندغ آتا پام ئے تینا نیمہ غا ہیس۔
