شال آن زوراکی ئٹ بیگواہ کننگوک خوانندہ تنظیم نا چئیرمین جیئند بلوچ آجو مس۔
حوال تا رد ئٹ 26 جولائی آ اسپنی روڈ آن بیگواہ کننگوک بلوچ اسٹوڈنٹس آرگنائزیشن نا چئیرمین جیئند بلوچ آجو مرسا اُراغا سر مسنے۔
یاتی مرے بی ایس او نا چئیرمین جیئند بلوچ و وائس چئیرمین شیرباز بلوچ ءِ اوفتا ایلو سنگت آتون اوار دزگیر کننگاسس ہراکان گڈ اوفتا منَہ سنگت ءِ یلہ کننگاسس و منٹ ئسے جیل آ رادہ کننگاسس ولے شیرباز و جیئند تھانہ غان بیگواہ کننگاسر۔
اینو سہب ئنا وائس چئیرمین شیرباز بلوچ ئے آجو کننگاسس و حوال ءِ کہ داسا جیئند بلوچ ہم آجو مرسا اُراغا سر مسنے۔
درو جیئند بلوچ و شیرباز نا خاہوت شال ئٹی پریس کانفرنس کرسا اوفتا آجوئی نا خواست کریسس و پاریسس کہ اگہ او 11 اگست اسکان آجو متور تو او برانز نا پڑو کرور۔
