شال آن زوراکی ئٹ بیگواہ کننگوک خوانندہ تنظیم بی ایس او نا وائس چئیرمین شیرباز آجو مس، ولے چیئرمین جیئند بلوچ داسکان بیگواہ ءِ۔
بلوچ اسٹوڈنٹس آرگنائزیشن نا تومکا سروک آک 26 جولائی آ اسپنی روڈ شال آن دزگیر مننگ آن گڈ بیگواہ کننگاسر۔
تومکا تے پاکستانی لشکر 28 جولائی آ گوادر ئٹ اڈ ہلوک بلوچ راجی مچی نا تیاری تا سوب آن اوفتا پین کیہی سنگت آتون اوار دزگیر کریسس۔ اوفتیان منٹ ئسے پدان یلہ کننگاسس و منٹ ئسے جیل آ راہی کننگاسس ولے جیئند و شیرباز تھانہ غان بیگواہ کننگاسر۔
درو جیئند بلوچ و شیرباز نا خاہوت شال ئٹی پریس کانفرنس کرسا اوفتا آجوئی نا خواست کریسس و پاریسس کہ اگہ او 11 اگست اسکان آجو متور تو او برانز نا پڑو کرور۔
اندن اینو بی ایس او نا سینیئر وائس چیئرمین شیرباز آجو مرسا اُراغا سر مسنے ولے جیئند بلوچ داسکان بیگواہ ءِ۔
