صوبائی حکومت نا کنڈ آن پڑو کننگانے کہ گوادر آ ہنوکا مسافر بس آتے اول ڈپٹی کمشنر گوادر آن این او سی ہلوئی تمو۔ بیدس این اوسی آن ہچو مسافر بس ئس گوادر آ ہِننگ کروف۔
صوبائی حکومت 20 آن زیات مسافر گوادر آ دننگ آ مسافر بس آتیا رکھ خلکنے۔ ہر کوچ ئٹی 20 آن زیات مسافر مس تو اوفتے اوتھل زیروپوائنٹ آ توننگ مرو۔
دا رد ئٹ ٹرانسپورٹر آک پارینو کہ اوتھل زیروپوائنٹ آ گوادر آ ہنوکا مسافر بس آتے پولیس و سیکورٹی لشکر نا کارندہ غاک توننگ ءُ، او پارے کہ ہرا مسافر بس تون ڈپٹی کمشنر گوادر نا این اوسی مس اودے گوادر آ ہِننگ نا موکل مرو۔
دا رد ئٹ ٹرانسپورٹر آتا پاننگ ءِ کہ پولیس و مکران کوسٹل ہائی وے آ پولیس اوتھل زیروپوائنٹ نزد ٹول پلازہ A ایریا اوتھل ئٹی ضلع گوادر نا کنڈ آ سفر کروکا بس آتیکن پوسکنو حکمنامہ ئس شنگ کرینے۔
اوتھل انتظامیہ صوبائی حکومت نا پنت آ ہر مسافر بس ئٹی 20 آن زیات مسافر دروکا بس آتیا رکھ خلکنے۔
خیال ئٹنرے کہ تدوکا اِرا دے آن گوادر آ ہنوکا کیہی مسافر بس آتے اوتھل زیروپوائنٹ آ سلیفنگانے و اوفتے گوادر آ ہِننگ نا موکل تننگ افس۔
