پاکستانی لشکر نا زوراکی ئٹ بیگواہ کننگوک بندغ آتا خاہوت آتے زر تننگ نا پیشکش اونا ڈوہ ئنا اعتراف ءِ۔ ڈاکٹر نسیم بلوچ

بلوچ نیشنل موومنٹ نا چئیرمین ڈاکٹر نسیم بلوچ پارے کہ پاکستانی حکومت نا لشکر نا دُو آن زوراکی ئٹ بیگواہ کننگوک بندغ آتا خاہوت آ تے 50 لکھ زر تننگ نا پیشکش تینا ڈوہ نا مَننگ ءِ۔

ریاست دا ہیت آن نمن کننگ ءِ کہ زوراکی ئٹ بیگواہ مروکا بندغ آک لشکر نا زندان آ تیٹ بندی ءُ بلکن مسلسل پائیک کہ زوراکی ئٹ بیگواہ مروکا بندغ آک مَش تیٹی ریاست نا برخلاف جنگ کننگ ءُ۔

سوج بش مریک کہ ریاست اَرا منطق، قانود یا جواز نا رد ئٹ زور ئٹ بیگواہ کننگوکبندغ آ تا خاہوت آ تے 50 لکھ زر تننگ نا فیصلہ کننگ ء۔

او پارے کہ گواچن دادے کہ پاکستانی ریاست بلوچ راجی تحریک نا مقابلہ ٹی نہ بیرہ اخلاقی شکست کُنگنے بلکن بلوچ اُلس ئنا مسلسل مزاحمت اونا رٹو طوطہ ہمرکہ مسکوہی دروغ ءُ درشان ئے ہم سمندر برد کرینے۔

چئیرمین ڈاکٹر نسیم بلوچ پارے کہ پاکستانی ریاست نا کھوکھلہ پن نا عالم دادے کہ ریاست نا وزیراعظم پائیک کہ زور ئٹ بیگواہ مروکا بندغ آ تا بابت ئٹ تاغت ور حلقہ ( پاکستانی لشکر) تون ہیت کروٹ۔

برسراقتدار پارٹی نا ارٹمیکو نمبر نا لیڈر و مسکوہی وزیراعظم نوازشریف نا مسڑ بی بی مریم ہراوخت اپوزیشن ئٹی اسکہ گُڑا زوراکی ئٹ بیگواہ مروکا بندغ آتا برانزی گدان آ تیٹی کیہی وار پارینے کہ بلوچ ورنا تے ریاستی لشکر بیگواہ کننگ ءِ۔ داکان بیدس پاکستانی لشکر نا ڈی جی آئی ایس پی آر آصف غفور پارینے کہ ” نن خوئشی ئٹ بندغ آتے بیگواہ کپنہ جنگ ئٹی دا کل کننگ مریک”۔ ایلو نیمہ غا پاکستانی لشکر تون اوار حکومتی سربراہک، پاکستان نا کٹھ پتلی حکومت نا سربراہ، وزیرداخلہ تون اوار ایلو وزیر آک و لشکر نا آلہ کار آک مسلسل دعوی کننگ ءُ کہ بلوچستان ئٹی ہچو بندغ زوراکی ئٹ بیگواہ افک۔

اوفتا رد ئٹ دا بندغ آک اوغانستان، یورپ آ ہنانو یا مَش تیٹی ریاست نا برخلاف جنگ کننگ ءُ ہرافتا پِن آ خاہوت آک واویلو کرسا ریاست نا برخلاف پروپیگنڈہ کننگ ءُ، پاکستان نا دژمن نا دُو تیان گوازی کننگ ءُ، بلوچستان نا ترقی خواہیپسہ وغیرہ۔

ڈاکٹر نسیم پارے کہ لشکر نا دُو آن بیگواہ کننگوک بندغ آک ریاست پاکستان نا پیشانی آ بدنما داغ ءُ ہرافتے ڈھرفنگ نا کوشست ئٹی ریاست پین تینا رسوائی نا سامان مُچ کننگ ء۔ بلوچ زوراکی ئٹ بیگواہ مروکا بندغ آ تا ویل بیرہ بلوچستان نہ بلکن جہانی تلہ غا توار کننگ ءِ۔ زر نا پیشکش آن ریاست ہزار آ لمہ و ایڑ تا ارمان، مُرغنا و اذیت ناک ودار، کسر ہروکا خن تا قیمت خلنگ کپک۔
پاکستانی ریاست ئے نوشتہ دیوال خواننگ مرے۔ نن بلوچ آک پاکستان آن رحم نا ہچ خواست کپنہ، زر نا طلب گار افن۔ نن عالمی برادری آن خواست کینہ کہ او پاکستان ئے عالمی جنگی قانود ناشرف و عملدرآمد آ زو تننگے۔

او پارے کہ سرسوبی بلوچ راج ئنا بخت ءِ۔ ہرا ریاست ئے تینا آئین و قانود آ باور مف اونا منطقی انجام تاریخ طے کرینے۔ پاکستان ہندا کسر آ ہننگ ءِ و بلوچ راجی تاغت نا مونا شکست دژمن نامقدر جوڑ مسُنے۔

شونکار

شونکار|زْرمبش براہوئی

شونکار

شونکار|زْرمبش براہوئی

Next Post

شال: بی وائے سی نا کنڈ آن اینو شام ئنا ریلی ئس کشنگو۔ بیبرگ بلوچ

بدھ اگست 7 , 2024
بلوچ یکجہتی کمیٹی نا راہشون بیبرگ بلوچ سوشل میڈیا آ تینا شنگ کروک ویڈیو کلہو ئسیٹی پارینے کہ اینو شام ئنا پنچ بجہ غا بی وائے سی نا کنڈ آن شال ئٹی ڈگری کالج آن بلوچستان یونیورسٹی اسکان ریلی ئس کشنگو۔ او پارے کہ بلوچ یکجہتی کمیٹی نا برانز ایسر […]

دلگوش کرز

زرمبش براہوئی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس