بلوچستان نا دریابی شار گوادر ئٹی بلوچ یکجہتی کمیٹی نا تولوک برانز اینو نُہمیکو دے ہم برجاء سلیس۔ داکان بیدس کوئٹہ، نوشکی، تربت ، پنجگور تون اوار کیہی شار تیٹ بلوچ یکجہتی کمیٹی نا تولوک برانز آک برجا ءُ۔
دا بارث ئٹ بلوچ یکجہتی کمیٹی نا پاننگ ءِ کہ گوادر ئٹی بلوچ یکجہتی کمیٹی نا تولوک برانز اینو نُہمیکو دے ہم برجاء ءِ۔ ڈاکٹر ماہ رنگ بلوچ پارینے کہ اسہ دہک ئسے آن ہم مُست CPEC نا بناء آن بیدس، گوادر ئٹی داسکان اسہ معیاری اسپتال ئس اف۔ اونا ہندیک چُنکا چُنکا ناجوڑی تیکن جانجوڑی کمک کن کراچی آ کارہ۔ گوادر داسکان ہم ایران آن بجلی ہلیک۔ گوادر ولے داسا پین خراب مسنے، سکیورٹی نا پنا مخلوق ئے سمندر ئٹی مچھی ہلنگ کن ہِننگ آن توننگک۔ سکیورٹی نا پنا ہر کلومیٹر آ اوفتا بےشرفی کننگک۔ ننے سیکورٹی چوکی تننگانے، پین ہچ تننگ متنے۔”
ڈاکٹر ماہ رنگ بلوچ پارے کہ بلوچستان حکومت وار وار آ دعوی کیک کہ اگہ گوادر نا جاگہ غا پین جاگہ ئس گچین کننگاکہ تو او جلسہ ٹی آسراتی تسرہ۔ “ ای بلوچستان نا حکومت آن سوج کیوہ کہ مگہ ننے اوتم سہولت تننگا ہراتم نن دسمبر ئٹی برانز کن اسلام آباد آ ہنان؟ مگہ نُم ننے او وختا آسراتی تسرے ہراتم نن مئی ٹی کوئٹہ ٹی گوادر ئے واڑ خلنگ نا بارث ئٹ اسہ سیمینار ئس کرین، ہراکان پد پریس کلب نا بےشرفی ئے کرسا اونا دروازہ غا پولیس نا کنڈ آن تیا کلف خلنگا؟
او پارے کہ تینا سنگت آتا خون و ٹپی کننگ، دڑکو، دزگیری و بیدادی تتون مون تننگ آن بیدس نن انصاف کن تینا خواست آتیا سلوک اُن۔ او پارے کہ دا برانز بلوچ الس ئنا اواری آ توار ئے بڑز کیک، اوفتا مسخت نا کنڈ آ پام ترفک۔ ہڑدے ہراوخت دے کیہلینگک، چُپی آن نمن کروکا تا مونک ملنگرہ۔ بلوچ الس ئنا سوگوی و ہمت ہمو پائدار جوزہ غا تا وے دمدرینگوکا ثبوت ءِ۔ اوفتا ثابت قدمی امیت نا دے ٹک اسے و بندغی حق و وقار آ باور تخنگ نا کنڈ آ اواری نا خواست ءِ۔
