بلوچستان لبریشن فرنٹ نا جارکش میجر گہرام بلوچ تینا شنگ کروک درشان ئٹی پارے کہ سرمچار آک پنچ اگست دو شمبے نا دے نُہہ بجہ آ مستونگ نا ہند کھڈ کوچہ ٹی کلی یلی نا خُڑک ٹیلی نار موبائل و یوفون کمپنی نا ٹاورئے سُمکاری کرسا ٹاور تون اوار آ مشین تے ہُشار۔
او پارے کہ کوزہ گیر پاکستان بلوچ آجوئی خواہوک آتے نشانہ کننگ کن موبائل ٹاور آتا جال خلنگ ءِ کہ اوفتے ٹک کننگ کے ولے سرمچار آک دا گڑا آن واخب ءُ کہ پاکستان موبائل ٹاور آتا خیر آ آجوئی خواہوک آتے ٹریس کرسا اوفتے ٹک کننگ نا حکمت عملی آ گھام خلنگ ءِ۔
او پارے کہ بی ایل ایف نا ٹیکنیکل ٹیم و انٹیلیجنس ٹیم بلوچ سرمچار آتون اوار مرسا کُل ہمو ٹیکنالوجی تے ٹک کرو ہرا آجوئی خواہوک آتے ٹک کننگ کن خلنگ مسنو۔
او ایسر ئٹ پارے کہ بلوچستان لبریشن فرنٹ موبائل ٹاور آتے نسخان تننگ نا ذمہ واری ئے ہرفک و بلوچستان نا آجوئی اسکان کوزہ گیر لشکر و مشینری تے نسخان ترسا کرون۔
