بلوچ لبریشن آرمی نا جارکش جیئند بلوچ میڈیا ٹی شنگ کروک تینا درشان ئسیٹی پارے کہ ننا سرمچار آک مشکے و زامران ئٹی اِرا جتاؤ جلہو تیٹی کوزہ گیر پاکستانی لشکر و استحصالی کمپنی نا اُلاخ آتے ٹک کریر۔
جارکش پارے کہ سرمچار آک 27 جولائی نا شام ئنا نُہہ بجہ نا وختا مشکے نا ہند نوکجو ٹی پاکستانی لشکر نا بھلا کیمپ ئنا رکھیفوک چوکی تے ٹک کریر، سرمچار آک گرنیڈ لانچر تیٹ دشمن لشکر آ کیہی گولہ خلکُر و خودکار سلاہ تیٹ جلہو کریر۔
او پارے کہ جلہو ئٹی اسہ کارندہ ئس ہمو جاگہ غا مرگ ئنا گواچی مس و کیمپ ئنا تہٹی گولہ لگنگ آن دشمن ئے پین جانی و مالی نسخان ہرفوئی تما۔
جارکش مُستی پارے کہ سرمچار آک ہنوکا دے زامران نا ہند نہنگ جونکی تنک ئنا ٹک آ عسکری تعمیراتی کمپنی نا ٹھیکیدار سرمچار آتیان نرنگ نا کوشست ئٹی تینا گاڑی ئے الا ہرادے سرمچار آک ہُشار۔ ہندا ٹھیکیدار قوضہ گیر لشکر کن تعمیرات تون اوار گولڈ سمڈ لائن آ باڈ خلنگ نا ٹھیکہ ٹی حصہ دار ءُ۔
او پارے کہ بی ایل اے دا ارٹنگا جلہو تا ذمہ واری تے ہرفک۔ کوزہ گیر پاکستانی لشکر نا بلوچستان آن تیوہ پیش تمنگ اسکان ننا کاروائیک برجاء مرور۔
