بلوچستان لبریشن فرنٹ نا ترجمان میجر گہرام بلوچ تینا شنگ کروک درشان ئٹی پارینے کہ بلوچ سرمچار آک کیچ ئنا ہند کولواہ کنیچی ٹی کوزہ گیر پاکستانی لشکر نا کیمپ آ جلہو کریر۔
او پارے کہ 3 اگست آ شام ئنا شش بجہ غا سرمچار آک کنیچی ٹی کوزہ گیر پاکستانی لشکر نا کیمپ آ بھلا و پوسکنا سلاہ تیٹ جلہو کریر، جلہو ئٹی دشمن نا اسہ کارندہ ئس خلنگا و مُسٹ بھاز ٹپی مسُر۔
اونا پاننگ اس کہ بی ایل ایف پوسکنا جنگی حکمت عملی تیا کاربند مرسا دشمن ئے ہر محاذ ئٹ بےسوب کننگ ءِ، تینا شکست ئے ڈکھکنگ کن دشمن لس آبادی تیا جلہو کیک۔
ترجمان پارے کہ دشمن پوسکنا سلاہ تیان بڈ مننگ آن پد ہم بلوچ سرمچار آتا راجی جذبہ نا مونا بےسوب مرسا نرنگ نا کسر پٹک ولے بلوچستان نا سرزمین آن واخب آ سنگت آک ہر ٹک آ دشمن نا ہن ءَ بر آ نظر تخِسہ اودے ٹک کننگ ءُ۔
او ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و پاکستانی لشکر نا پیش تمنگ اسکان دشمن آ جلہوک برجاء مرور۔
