بلوچ لبریشن آرمی نا جارکش جیئند بلوچ تینا شنگ کروک درشان ئٹی پارینے کہ سرمچار نصیر بلوچ عرف سکندر و سرمچار غلام جان عرف استاد ساچان بلوچ راجی آجوئی نا کسر ئٹ شہید مسنو۔
بی ایل اے نا سرمچار نصیر احمد (سکندر بلوچ)، راجی آجوئی نا جہد ئٹی گام خلسہ بیست و سئے جولائی اِرا ہزار بیست و چھار آ گچک ئنا ہند آ زہریئو دوشہ سے نا کُننگ نا سوَب آن شہید مس۔
سنگت نصیر (سکندر) باوہ نا پِن ملا محمد عیسیٰ سولیر بیسیمہ واشک ئٹی رہینگاکہ۔ او اِرا ہزار پانزدہ ٹی سنگت تنظیم آن آجوئی نا جہد ئنا بِنا کرے و اِرا ہزار بیست ئٹی بلوچ لبریشن آرمی نا بشخ مس۔
شہید نصیر بلوچ پنجگور، واشک، رخشان، گوران، کولواہ، ہوشاپ و کیلکور نا سنگر آتیا راجی جہد کرسہ دشمن ئے بھلو نسخان تنّنگ ئٹی بشخ ہلکس۔
اونا خاہوت آ کوزہ گیر پاکستانی لشکر اسہ رنگ زوراکی کرے و اونا اُرا ئے لشکرکشی ٹی شش وار ہُشار، ولے او تینا راجی آجوئی نا جہد آن مچّٹ ہم پد سلتو۔ او تینا بھلا کڑد و قربانی آن دشمن آ پھاش کرے کہ بلوچ، غلامی آ راجی آجوئی و دا کسر ئٹ شہیدی ئے دوست تخک۔
جارکش پارے کہ بی ایل اے نا سرمچار غلام جان (استاد ساچان) بیست و شش جولائی اِرا ہزار بیست و چھار آ کیلکور ئٹی شہید مس۔ او بیست و پنچ جولائی آ کیلکور پنجگور ئٹی کوزہ گیر پاکستانی لشکر نا جہی آ لشکر (ڈیتھ اسکواڈ) آ ‘بلوچ راجی آجوئی سنگر’ (براس) نا آپریشن نا بشخ اسّ، ہراڑے سُم کُننگ آن او ٹھپی مسّس۔
غلام جان ئے براس نا سرمچار آک ٹھپی آ حالت ئٹ تینا رکھ ئنا جاگہ آتیا سَر کریر ہراڑے اودے دارو درمان کننگا ولے او بچنگ کتو و شہید مس۔
شہید غلام جان (استاد ساچان) باوہ نا پِن محمد سیداں پنجگور ٹی رہینگاکہ۔ او اِرا ہزار سینزدہ ٹی بی ایل اے آن راجی غلامی نا برخلاف جہد ئٹی بس۔ شہید غلام جان تینا جنگی گشاد نا سوَب آن زو ئس ٹریننگ کمانڈر گچین کننگا و استاد نا پِن ئے دُوئی کرے۔
شہید غلام جان دا وخت آ بی ایل اے نا پنجگور کیمپ ئنا سیکنڈ کمانڈ نا وڑئٹ کاریم کننگ ئٹی اس۔ او پنجگور، بلیدہ، ہوشاپ، کیلکور، پروم، بالگتر، واشک، رخشان و کولواہ نا سنگر آتےا تینا جنگی لائیخی تے گچین وڑئٹ درشان کرسہ دشمن ئے نرّفیسس۔
او بلوچ راجی آجوئی سنگر (براس) نا بھازا آپریشن آتیٹ بشخ ہلسہ نہ بیرہ دشمن ئے خن شیف کرے بلکہ بلوچ راجی اواری نا سوگوی ٹی ہم بھلو کڑد ئس نشان تِس۔ شہید غلام جان ئے اونا باوہ پیرئی آ علاقہ ٹی سرمچاری شان ئتون آزات بلوچستان نا بیرک نا سیخا ٹی گڈی ہند کننگا۔
بی ایل اے شہید نصیر و شہید غلام جان ئے اوفتا بھلا قربانی آ سلام کیک و دا سوغند ئے پوسکن کیک کہ شہیداتا قربانیک اسُل گیرام کنّنگوفس و زوت یا ہُرے آ اوفتا مزّل آزات بلوچستان ئے دُوئی کننگو۔
