بلوچ لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹی پارے کہ سرمچاراک زامران و پنجگور ئٹی مُسہ جتاؤ جاگہ غا جلہو تیٹی ڈیتھ اسکواڈ نا کارندہ، تنصیبات و پاکستانی لشکر ئے راشن سر کروکا تے ٹک کرینو۔
او پارے کہ اینو سُہب ئنا نہہ بجہ غا زامران نا ہند ناگ ئٹی سرمچارآک کسر آ سنگر ہلِسہ قوضہ گیر پاکستانی لشکر نا روشن دروکا لاری ئے راشن تون اوار قوضہ ٹی ہلکُر و ڈرائیور ئے بلوچ مننگ نا سوب آن یلہ کریر۔
اَسہ پین جلہو ئسیٹی سرمچاراک ہنوکا شام ہشت نیم بجہ آ زامران نا ہند ڈمبان ئٹی انٹرنیٹ ٹاور ئے جلہو ئٹی بھس کریر۔
جارکش پارے کہ مسٹمیکو کاروائی ٹی سرمچاراک 26 جولائی نا شام ہشت بجہ آ پنجگور نا ہند چتکان غریب آباد ئٹی سُمکاری کرسا ڈیتھ اسکواڈ نا اِرا کارندہ لطیف ولد جلیل و امان اللہ ولد حسین ئے مرگ ئنا گواچی کریر و آصف ولد دلمراد ئے ٹپی کریر۔ کہوکا و ٹپی مروکا ڈیتھ اسکواڈ نا کارندہ آک ایم آئی و آئی ایس آئی نا جوڑ کروکا فرید گروپ ئٹی اوار اسر و اوفتا خاص آ بندغ آتیان اسر۔
جارکش تینا درشان ئٹی ودیک پارے کہ بی ایل ایف کاروباری بندغ آتے خبردار کیک کہ او ریاست نا کمک ئے توریر۔ اگہ کاروباری بندغ و ڈرائیور آتا دا روشت برجاء مس گڑا او تینا نسخان نا زمہ وار تینٹ مرور۔
جارکش پارے کہ بی ایل ایف کل بندغ آ تے پاش پاننگ خواہک کہ ہرا ریاست نا پاننگ آ سرمچار آتا مخبری و الس ئے تنگ کیرہ، بی ایل ایف اوفتے موقع تیک کہ او تینے ریاستی کاریم تیان توریر نہ تو عبرت تروک انجام کن تیار مریر۔
او پارے کہ تنظیم نا انٹیلیجنس ٹیم ریاست و ریاستی کمک آ تیا ہر وخت نظر تخوک ءِ و بلوچستان نا ہر کُنڈا مروکا حالیت و تّدنیک انٹلیجنس ٹیم آن ڈھکوک افس۔
جارکش ایسر ئٹ پارے کہ بی ایل ایف دا جلہو تا زمہ واری ئے اَرفک و بروکا وخت ٹی سخت جلہو کننگ نا عزم کیک۔
