گْوادر ٹی راجی مُچی آ بروکاتا ریاستی زوراکی آن پد سمی دین بلوچ، ڈاکٹر صبیحہ بلوچ و بلوچ یکجہتی کمیٹی نا راہشون صبغت اللہ شاہ جی تون اوار بھازا بندغاک بیگواہ ءُ۔ اوفتا بارت ئٹ اوفتا سنگتاتہ و خاہوت آتہ ہِچ ڈس ملتنے نئے کہ اوفتون حوال مسنے۔
شار ئٹی موبائل و انٹرنیٹ نا بندی نا سوَب اوفتا حوالہ ئٹ پکّو حوال رسینگتنے ہندن فوج ئنا جلہو ئٹی سمی دین بلوچ نا ٹھپی مننگ نا ہم حوال ارے۔
پاکستانی فوج و پولیس گْوادر نا غُٹ ہنوکا بروکا کسر تہ بند کرینُہ۔
پِن ئنا وزیر داخلہ بلوچستان ضیاء لانگو درو گْوادر ٹی اس، او میڈیا آ پارے کہ بی وائی سی نا مُچی نا برخلاف لشکرکشی ٹی اٹکل بیست ءُ پنچ بندغ ہلّنگانُہ۔
بلوچ یکجہتی کمیٹی نا راہشون ڈاکٹر ماہ رنگ بلوچ ہم گْوادر ٹی ساڑی اے، ہراڑتون حوال مننگ کتّنے۔ ولے درو تینا کُلو ئسیٹ ماہ رنگ بلوچ راجی مُچی آ بروکا مخلوق آ ریاستی زوراکی آ ہیت کرسہ پارے کہ دا حوالہ ئٹ مُچ بلوچستان ٹی ہڑتال نا پارینُن، مُستی پارے کہ اودے یا بی وائی سی نا راہشون آتہ گِڑاس مس تو زمہ وار پاکستانی ریاست مرو۔
