گوادر بلوچ یکجہتی کمیٹی نا جارکش تینا شنگ مروک داشان ئٹی افسوس نا درشانی کرسا پارینے کہ ریاستی لشکر فرنٹیئر کور ایف سی بلوچ راجی مچی نا برانزی تیا سُمکاری اوفتے شہر ئٹی پہینگ آن توننگ نا کوشست کریر اَراٹی اصغر پِنی او بندغ ئس شہید مس و شش برانزی قمر عثمان سکنہ گْوادر محمد حسن ولد علی نواز سکنہ خضدار، راشد ولد محمد یوسف سکنہ نال خضدار، محمد ابراہیم ولد حاجی کریم، جمعہ ولد محمد اعظم سکنی پَنجگُور و محمد اکبر ولد بلال سکنہ مشکے نا پِن ئٹ مسُنے۔
او پاریر کہ کریک ڈاؤن نا وخت آ نیم فوجی دستہ اوکان پد لشکر ڈھکوک ادارہ آک شہید نا جون ئے جی ڈی اے گوادر ہسپتال انتظامیہ آن پُھلیسہ بیگواہ کریر ہراکہ پریشان کن عمل ئسے۔
او پاریر کہ نن مطالبہ کینا کہ اونا جون ئے واپس کیر، تانکہ میت ئے ہجار کننگ مرے و پین رسمی رسومات کن اونا رسمی رسومات آ تے کن اونا خاہوت نا حوالہ کین۔
