ایمنسٹی انٹرنیشنل بلوچ راجی مُچی ٹی بشخ ہلوکاتا ریاستی زوراکی تا افسوس کرسہ پارینے کہ فوج ئنا کُنڈان بلوچ راجی مُچی ٹی بشخ ہلوکاتا زوراکی کننگ آ افسوس اے۔ دا مخلوق نا امن ئٹ مُچی کننگ نا حق ئنا پھاش برخلافی اے۔
او پارے کہ بیست ءُ ہفت جولائی آ مستونگ بلوچستان ٹی امن ئٹ برانز کروکاتا فوج سُم کاری کرینے ہراڑے چھانڑدہ بندغ ٹھپی ءُ اوفتان بھازاتا حالت نازرک اے۔ گْوادر ٹی انٹرنیٹ بند اے ہرانا سوَب حال حوال مننگ ئٹی اف۔
ایمنسٹی انٹرنیشنل پاکستانی حاکم آتان خواست کرینے کہ او بلوچستان ٹی انٹرنیٹ نا بندی ئے زوت ایسر کیر، و بندغی حق آتا ملکی و جہانی قانود آتا وڑئٹ تینا زمہ واری تہ پورو کیر تاکہ مخلوق ئے امن ئٹ برانز کننگ ئٹی آسراتی مرے۔ ہندن گْوادر آ ہنوکا کسر تا بندی تہ چُھٹفنگہ تاکہ بندغاتہ ہِن ءَ بر ٹی آزاتی مرے۔
