گْوادر ٹی مروکا بلوچ راجی مُچی کن مُچ بلوچستان آن قافلہ آک کسر بندی تہ پرغسہ گْوادر ئے سرمننگ ئٹی ءُ، ہندن شار ئٹی دکانک ہڑتال آن بند ءُ۔
انٹرنیٹ نا بندی آن حالت پھاش مننگ ئٹی اف، ولے خُڑک ئنا جاگہ آتا مخلوق پاننگ ئٹی اے کہ پدی زِر آ ہزاراتا کچ بندغاک مُچ مسّنہ۔ کراچی آن پیشتموکا قافلہ ئے سُم کاری آن پد واپس کننگ نا حوال اے۔
گْوادر نا سید ہاشمی چوک آ پاکستانی فوج سُم کاری کرسہ اسہ بندغ ئس خَلکنے و گِڑاس ئے ٹھپی کرینے۔ انڈس اسپتال آن حوال رسینگانے کہ اسہ لاش ئس و ہفت ٹھپی ءُ اسپتال آ ہتنگانے۔
