بلوچ یکجہتی کمیٹی نا بنجاہی جارکش تینا شنگ مروک درشان ئٹی پارینے کہ بلوچ راجی مچی نا کاروان آ تیا ریاستی جبر و بربریت و گْوادر تون اوار مکران ئٹی کرفیو نافذ کننگ نا برخلاف اینو شال، خضدار، قلات، منگچر، نوشکی، دالبندین، مستونگ، خاران تون اوار تیوہ بلوچستان نا گیشتر اِیلو ہند آ تیٹی دکاندار و کاروباری بندغ آ تا نیمہ آن رضاکارانہ بنیات آ شٹر ڈاؤن برانز برجاء ءِ۔
جارکش پارے کہ دا بلوچ نسل کشی نا برخلاف لس جہد ءِ، ہرادے بلوچ لس نا کمک ءِ۔دا جہد ئے نہ ریاست تاغت و بے دادی ئے کارمرز کرسا توننگ کیک و نہ دروغ و پروپگنڈہ نا بیانہ آن توننگ کیک۔
او پارے کہ 28 جولائی آ گوادر ئٹی مروکا بلوچ راجی مچی اینو تیوہ بلوچستان ئٹی ودی مسنے۔ دا جہد لس تاغت و قوت آن بلوچ سرزمین آ بلوچ نسل کشی ئے تیوعہ ایسر کرو۔
