بلوچ آجوئی خواہوک سلاہ بندتنظیم آتا امبریلا آرگنائزیشن بلوچ راجی آجوئی سنگر(براس) ئنا جارکش بلوچ خان میڈیا ٹی شنگ مروکا درشان ئسیٹی پارے کہ براس ئنا سرمچارآک 25 جولائی پنچ شمبے نا دے پَنجگُور ئٹی کوزہ گیر پاکستانی لشکر و ڈھکوک ادارہ آتا جوڑ کروکا ڈیتھ اسکواڈ نا مُسہ کارندہ خلکُر و پنچ ٹپی کریر۔
جارکش پارے کہ بلوچ راجی آجوئی سنگر نا سرمچار آتے پَنجگُور نا ہند کیلکور ئٹی ڈیتھ اسکواڈ نا کارندہ آ تا ساڑی مننگ نا حوال رسینگا، سرمچارآک زو کاروائی کرسا کیلکور ئٹی کرکی نا ہند آ دا کارندہ آ تے گھیرہ کرسا اوفتا جلہو کریر۔
بلوچ خان مُستی پارے کہ سرمچار آتا جلہو ئٹی مُسہ ڈیتھ اسکواڈ نا کارندہ ناصر،جمل ولد نزروک و اسحاق ولد نزروک ہمو جاگہ آ خلنگار، سرمچارآک اوفتا سلاہ تے ہم دوئی کریر، دا جلہو ئٹی پین پنچ کارندہ ٹپی مس۔ ہندا کارندہ آک ملا سیفو و سعید لانٹو نا بھلنی ٹی راجی جرم آتیٹ اوار ءُ۔
جارکش مُستی پارے کہ جلہو نا وخت ڈیتھ اسکواڈ نا کارندہ آتے بچفنگ کن کوزہ گیر لشکر نا گن شپ ہیلی کاپٹر آک شیلنگ کریر پدا ہم سرمچار آتے نسخان رسیفنگ و تینا کارندہ آ تے بچفنگ ٹی بے سہب مسُر۔
جارکش ایسر ئٹ پارے کہ بلوچ راجی آجوئی سنگر ( براس) دا جلہو نا ذمہ واری ہرفک، نن اَسہ وار ئس پدا دا قول ئے کینہ کہ براس تیوعہ بلوچ راجی آجوئی اسکان دا جنگ ئے برجاء تخو۔
