بلوچستان نا شہر گوادر ئٹی اینو مروکا بلوچ راجی مچی نا برخلاف حکومتی کریک ڈاؤن برجاء، کیہی بنجاہی کسرک بند۔
کیہی شہر تیان پیشتموکا کاروان آک ہڑاند آ تے عبور کرسا گْوادر نا نیمہ آ روانہ مسُنو، واہم تلار نا ہند آ لشکر نا بھلو کچ ئس ساڑی ءِ، اَرانگا شام ئنا وخت لشکر نا سُمکاری آن اَسہ بندغ ئس شہید و زالبول ئس ٹپی مننگ نا حوال ءِ، گْوادر و تُربَت ٹی انٹرنیٹ سروس بند مننگ نا سوب آن دائسکان حوال آک واضح افس۔
بلوچستان نا صنعتی شہر آن رسینگوکا حوال آ تا رد ئٹ کوئٹہ،کراچی، مکُران آ ہنوکا بنجاہی کسر مُسہ دے آن بند ءِ، شام ئنا کیہی برانزیک ہڑاند آ تے عبور کرسا اوتھل زیرو پوائنٹ ئسکان سر مسنو، اَسہ کوچ ئسے آ سُمکاری ہم کننگانے۔
چاغی،دالبندین و ایب کھیب ئنا کاروان آک شام ئنا پَنجگُور آن مرسا تُربَت کن روانہ مسنو۔
مستونگ ئٹی پاکستانی لشکر نا سُمکاری آن کیہی برانزی تا برانز برجاء ءِ، شہر ئٹی مکمل شٹرڈاؤن برانز برجاء ءِ۔ کوئٹہ سریاب نا ہند آ ہم ہندی بندغ آک مستونگ تدینی نا برخلاف برانز کرسا کسر ئے بند کرینو۔
