بلوچ راجی مُچی کن مخلوق ئے یکجاہ کننگ نا زیہا ریاستی فوج ئنا چھاپہ تیٹ بی ایس او نا چیئرمین و وائس چیئرمین بیگواہ کننگار۔
حوال آتا رِدئٹ بیست ءُ ہشت جولائی آ گْوادر ٹی مروکا بلوچ راجی مُچی نا کاریم تا برخلاف ریاستی فوج ئنا چھاپہ ٹی شال اسپنی روڈ ہدہ آن بی ایس او نا چیئرمین جیئند بلوچ و بی ایس او نا وائس چیئرمین شیرباز بلوچ ئے اِستو ہشت ئنا وخت آ ہفّنگانے۔
ایلو نیمہ آ شال ئٹی پولیس و فوج خوانندہ آتا رہینگوک جاہ و اُراتا جلہو کرسہ بھازا بندغاتہ بیگواہ کرینُہ۔
حوال آتا رِدئٹ راجی مُچی نا تیاری تیٹ شال آن بھازا خوانندہ و سیاسی کاریم کروک آتہ پاکستانی فوج و اونا ادارہ آک ہلکنے درینُہ۔
اِستو شہوانی پلازہ شال آ پولیس و ایجنسی نا کارندہ آک خوانندہ آتا رہینگوک جاہ ئسے آ جلہو کریر و خوانندہ آتہ لٹ کُٹ کریر۔ ہراکا شش خوانندہ ہفّینُہ درینُہ اوفتان چھار درست مسّنہ۔
خوانندہ آتیٹ کیمسٹری شعبہ خوانندہ اسلام الدین/حاجی عبدالخیر، جاگہ راغے واشک، میڈیکل نا خوانندہ شمیم/صمد جاگہ آواران، عنایت/ڈاکٹر ثناء و ارشد بلوچ جاگہ راغے واشک پِنی آ ورناک اوار ءُ۔ ہندن ایلو اِرا خوانندہ داسکان درست متنُہ۔
مُچ بلوچستان نا بھازا جہہ تان بلوچ راجی مُچی کن کاریم کروکاتِہ ہفّنگ نا ڈس اے۔
