پنی آ حوالکار وینگس سوشل میڈیا پلیٹ فارم ایکس آ تینا سلسلہ وار پوسٹ ئٹی پارینے کہ تیوہ بلوچستان ئٹی بلوچ یکجہتی کمیٹی نا نیمہ آن اڈ مروکا بلوچ راجی مچی ئے کاؤنٹر کننگ کن پاکستانی لشکر نا نیمہ آن زور آزمائی برجاء ءِ۔
اونا پاننگ اسکہ کہ جتاء ہند آ تیان حوال رسینگانے کہ لشکر برانزی تے توننگ کن کسر تے آ ہڑاند شاغنگ ءِ، کیہی ہند آ تیان زوراکی ئٹ بیگواہی نا حوال ہم رسینگانے۔
او پارے کہ ای ماہرنگ بلوچ تون ہیت کرینُٹ۔ ماہرنگ بلوچ ہیت ئٹی پارینے کہ ” نن ہچ قیمت آ پدی مروفن۔ بلوچستان ئے ملٹری زون ئٹی بدل کرینو اراڑے ہچ آئین و بندغی حق آک ساڑی افس۔“
ماہرنگ بلوچ پین پارینے کہ 200 آن زیات بلوچ باسک آتے دزگیر کرینو۔ نن پر ایمن اُن و ننا بلوچ راجی مچی منہ گھنٹہ ناس مرو۔
او پارے کہ نن پر ایمن مُچی کن حکومت تون حوال کننگ اُن ولے حکومت ننا جمہوری خواست آ تے خف توننگ افک۔
او پارینے کہ کاؤنٹر ٹیررازم ڈیپارٹمنٹ ( سی ٹی ڈی) باسک آتا دزگیری ٹی اوار ءِ۔
ایلو نیمہ آ کوئٹہ آن راجی مچی کن ہننگ آ سپریم کورٹ بار ایسوسی ایشن نا مسکوہی صدر علی احمد کرد ئے ہم اِیلو وکیل آ تیتون اوار کوئٹہ ہزار گنجی نا ہند آ لشکر تورینے ہولیس نا بھلو کچ ئس کنٹینر خلیسہ بلوچ راجی مچی ٹی اوار مننگ کن ہنوکا قافلہ ئے سونا خان نا ہند آ تورینے۔
