کیچ بلیدہ ٹی پاکستانی فوج ئنا اینو ارٹمیکو دے ہم لشکرکشی برجا اے۔
حوال آتا رِدئٹ فوجی کارندہ آک پین اِرا بندغ ہم بیگواہ کرینُہ ہرافک حفیظ/حمید و داد جان/اسماعیل جاگہ گردانگ نا پِن آ درست مسّنہ۔ اسہ پین بندغ ئسے نا بیگواہ مننگ نا ہم حوال ملّانے ولے گیشتر ڈس داسکان سرمتنے۔
حوال آتا حساب آ اِستو گیشتگ، گردانک نا ہند آ پاکستانی فوج ئنا کارندہ آک اسہ زمباد گاڈی سے آ سُم کاری کرینُہ۔ جہی آ مخلوق نا پاننگ کہ سُم کاری ٹی اِرا بندغ نا خلّنگ نا حوال ارے و سلوکا گاڈی نا جاگہ آن دتر خننگانے۔
پاکستانی فوج ئنا ‘آپریشن عزم استحکام’ نا پڑو کننگ آن پد غُٹ بلوچستان ٹی فوجی لشکرکشی تیٹی گیشتری خننگک، ہنوکا دے تیٹ مستونگ، نوشکی و قلات ئٹی بھلو کچ ئسیٹ جنگی سامان راہی کننگانے۔
ولے ریاستی فوج دا حوالہ ئٹ حوال تتنے، یات مرے بلوچستان نا بھازا جہہ تیٹ ویتہ پڑو آن پاکستانی فوج ئنا لشکرکشی برجا اے۔
