کیچ ئنا ہند بلیدہ ٹی پاکستانی لشکر اینو اِرٹمیکو دے ہم لشکر کشی ٹی آختہ ءِ، پین اِرا بندغ زوراکی ئٹ بیگواہ کننگار۔
لشکر جتاء ہند آ تیا ناکہ بندی کننگ تون اوار ہند ئٹی پیش قدمی کننگءِ۔
شابیتی حوال آتا رد ئٹ کیچ ئنا ہند بلیدہ ٹی ہنوکا دے آن برجاء انگا لشکر کشی نا وخت لشکر پین اِرا بندغ آتے زوراکی ئٹ بیگواہ کرے، ارافتا پجار حفیظ ولد حمید داد جان ولد اسماعیل و اَسہ نا دُرست ءُ بندغ ئس سکنہ گردانگ نا پِن ئٹ مس۔
حوالکار آ تا رد ئٹ ہنوکا شام گیشتگ، گردانگ نا ہند آ پاکستانی لشکر، لشکر کشی نا وخت آ زمباد لارس سے آ سُمکاری کریسس۔ ارانا سوب آن اِرا بندغ ئے جانی نسخان تننگ نا حوال ءِ، ہندا لاری ہمو ہند آ سلوک ءِ و لاری ٹی دِتر نا نشان ہم ارے۔
یاتی مرے کہ ہندا ہند آن اِرا بندغ نا زوراکی ئٹ بیگواہ مننگ نا حوال بسونے۔
