![](https://brahui.zrumbesh.com/wp-content/uploads/2024/07/IMG_4856-1.jpeg)
پاکستان نا عسکری اسٹیبلشمنٹ کٹھ پتلی حکومت بلوچستان تون اوار بلوچ یکجہتی کمیٹی نا بلوچ راجی مچی اَرا 28 جولائی آ گْوادر ئٹی اڈ تننگ مریک اودے توننگ کن مکُران کوسٹل ہائی آ بھلو کچ ئسیٹی لشکر، ایف سی، پولیس بلوچستان کانسٹیبلری، سی ٹی ڈی، لیویز و انٹیلی جنس لشکر نا بھلو کچ ئس تعینات کننگانے و گْوادر آ پیہوکا کُل کسرک بند کننگانو۔
کیہی حوالکار آتا پاننگءِ کہ گْوادر سٹی ٹی پیہنگ کن لشکر بھلو کچ ئسیٹ بندغ آتے تورینے۔ و شرط تخانے کہ ارانا شناختی کارڈ آ گْوادر افک اوفتے ہننگ کن الپرون۔ کیہی بندغ آک کسر ئٹی پھاسینگانو۔
رسینگوکا حوال آتا رد ئٹ حکومت بلوچستان نا نیمہ آن گْوادر بلوچ راجی مچی نا رد ئٹ حکومت بلوچستان نا نیمہ آن گْوادر ئٹی اِرا ہزار آن زیات لشکر تعینات کننگانے، اوفتیٹ ہزار آن خُڑک بلوچستان کانسٹیبلری نا کارندہ تعینات ءُ ارانا باقاعدہ احکام تننگ مسونے۔
بی وائی سی نا راہشون تہ رد ئٹ راج مچی جلسہ ٹی پاکستان تون اوار پیشن ملک آن ہم بھلو کچ ئسیٹی بندغ آک اوار مننگ کن بننگ ءُ۔
حوالکار آ تا رد ئٹ راجی مچی جلسہ نا سیکورٹی کن بلوچستان کانسٹیبلری خضدار زون آن 200 نفری، اے آر آر زون کوئٹہ آن 175 نفری، کوئٹہ ایکیٹ فورس آن 125 کارندہ و لورالائی آن 150 نفری خواہفنگانے۔
حوالکار آتا رد ئٹ ایس ایس پی بدر زون، آر آر جی کوئٹہ آن ہم نفری خواہفنگانے۔
حکومتی حوالکار آتا رد ئٹ کل نفری حکومت بلوچستان نا احکامات آ تیٹ بلوچستان ئٹی تعینات کننگانو۔
مکُران کوسٹل ہائی وے آ جاگہ جاگہ آ پولیس کارندہ آک سلوک اسُر۔
حوالءِ کہ پسنی ٹی شش سد، جنیونی ٹی 2 سد و تُربَت آن گْوادر روٹ ئے تلار نا ہند آ توننگ کن دو سد کارندہ تے تعینات کننگیرہ۔