کیچ ئنا ہند تجابان ئٹی پاکستانی لشکر اُراتہ چھاپہ خلیسہ نادُرست اِرا کماش ءُ بندغ آتے دزگیر کرسا نادُرست جاگہ ئسے آ درے۔
حوال آتا رد ئٹ بیگواہ مروکا تیٹی اسٹ ئس محمد کرین و ایلو بشام اوارءُ ارا کیچ ئنا ہند تجابان نا ہندیءُ۔
بیگواہ مروکا بندغ آتا خاہوت آک مُست سی پیک کسر آ برانز کریر، پدا سی پیک کسرئے یلا کریر و داسا پاکستانی لشکر نا کیمپ ئنا مونا برانزئے شروع کریر۔ اراکان پاکستانی لشکر بیوس مرسا ارٹنگاتے یلا کرے۔
اسہ سال ئس مُست پاکستانی لشکر نا دوب آن زوراکی ئٹ بیگواہ مروکا اِرا ورنا دیدگ ولد موسیٰ و اختر ولد صاحبداد آجو مسُر۔
