بلوچستان نا ضلع خاران آن پاکستانی لشکر بندغ ئسے بیگواہ کرے،مستونگ آن بیگواہ مروکو بندغ ئس آجو مس۔
حوال آتا رد ئٹ پاکستانی لشکر ہنوکا شام خاران آن بندغ ئسے دزگیر کننگ آن پد بیگواہ کریر۔
بیگواہ مروکا بندغ نا پجار صغیر احمد پیرکزی ولد خدامرزی نزیر احمد پیرکزئی نا پِن ئٹ مسونے۔
شابیتی حوال آتا رد ئٹ تدینی ہنوکا شام سئے بجہ آن خُڑک مس اراوخت لشکر و ڈھکوک ادارہ آک کلان شیروزی کسر آ ساڑی اُرا سیٹی چھاپہ خلیسہ صغیر آحمد ئے دزگیر کریر۔ ہندا بندغ نادرا ٹی ملازمءِ۔
2021 ٹی مستونگ نا ہند اسپلنجی آن پاکستانی لشکر نا دُو آن بیگواہ مروکا عبدالطیف بنگلزئی مُسہ سال آن پد آجو مریسہ اُرائے سرمس، خاہوت اونا آجو مننگ نا حوال ئے پک کرے۔
