بیست ءُ ہشت جولائی آ گْوادر ٹی مروکا ‘بلوچ راجی مُچی’ نا تیاری تا حوالہ ئٹ بلوچ یکجہتی کمیٹی نا کُنڈان سرپندی مہم و ایلو کاریمک برجا ءُ۔
ہندن براہوئی، بلوچی و اردو زبان ئٹ اسہ کتابک ئس ہم شِنگ کنّنگانے۔ ہراٹی بلوچ راج ئنا مسئلہ آتہ و اوفتا حل ئنا حوالہ ئٹ سرجمی ئٹ نوشتہ کننگانے۔
دا یام ئٹ بلوچ یکجہتی کمیٹی نا زمہ واراک ‘حق دو تحریک بلوچستان’ نا بنجاہی کماش تون ملّار و ‘بلوچ راجی مُچی’ نا کمک نا بابت ئٹ ہیت کریر۔ ‘حق دو تحریک’ اوفتہ ہر وڑ ئٹ کمک کنّنگ نا پارے۔
بلوچ یکجہتی کمیٹی نا زمہ واراک صبغت اللہ شاہ جی نا کماشی ٹی ‘حق دو تحریک بلوچستان’ نا بنجاہی کماش حسین واڈیلہ و ایلو زمہ واراتون ملّار۔ ہراڑے بیست ءُ ہشت جولائی آ مروکا ‘بلوچ راجی مُچی’ نا مَدت و کمک نا زیہہ آ گپ ءُ تران مس، و دا مُچی ئے سرسوب کننگ کن اواری ئٹ جہد آ ہم امنّا کننگا۔
حسین واڈیلہ پارے کہ بلوچستان نا محکوما مخلوق نا حق آتیک مروکا ہر جہد ئے ‘حق دو تحریک’ شرف تیک و اونا حمایت ئے کرسہ کرو۔
