خضدار بلوچستان ٹی پاکستانی فوج اُرا سے آ جلہو کرسہ نرینہ، نیاڑی و چُنا تہ خلکنے ٹھپی کرینے۔ ریاستی زوراکی نا برخلاف علاقہ نا مخلوق برانز کرسہ کسر ئے بند کرینے۔
حوال آتا رِدئٹ گونی گریشہ خضدار ٹی پاکستانی فوج اُرا سے آ جلہو کرینے ہراڑے شاہ جان/سلیم جان، گوہر دین/خیر جان، محمد جان/لعل بخش، میار/لعل بخش، محمد عارف/عبدالرحمن، منیر احمد/صبرو ساجدی تون اوار نیاڑی تہ، چُنا تہ ہم ٹھپی کننگانے۔
فوج ئنا سُم کاری ٹی لعل بخش/ ابراہیم و صبرو/حمل نا اُراتیٹ مسہ نیاڑی ٹھپی مسّہ۔ جُلہو ٹی ریاستی فوج ئنا کارندہ آک اُراتان اِرا موٹر سائیکل، اِرا لکھ زر و ہشت موبائل دریر و اُراتا گِڑاتہ نسخان تسّہ۔
پاکستانی ریاست نا زوراکی نا برخلاف مخلوق بلوچ یکجہتی کمیٹی تون اوار گریشہ گری آن بڑو نال ئنا کسر ئے ہِن ءَ بر کن بند کرے۔
