بلوچستان نا ضلع کیچ ئنا ہنجائی شار تُربَت ئٹی 14 جولائی آ پاکستانی لشکر نا ڈھکوک ادارہ آ تا ولفوکا ڈیتھ اسکواڈ نا کارندہ آک شفیع محمد نا مار سراج ئے توفک نا زور آ برمتہ کریر۔
نُمے خبر مرے کہ پاکستانی لشکر نا ڈھکوک ادارہ آک، نشہ بہا کروک، لینڈ مافیا تون اوار اِیلو چاگڑدی خرابی تیٹ اوار بندغ آ تے ڈیتھ اسکواڈ ئٹی بھرتی کیرہ، اوفتا زریعہ ئٹ لس شاری تا زوراکی ئٹ بیگواہی، ہدف جوڑیسہ کوش، آن بیدس اِیلو جرائم تیکن تیار کیرہ تانکہ براہ راست لشکر و ڈھکوک ادارہ آک قانون نا تلہ ٹی بننگ کپس، دا مسلح ٹولی تے مونا ہتیرہ۔
ہمر او اسمبلی ٹی کھٹ پتلی حکومت جوڑ کرسا اوفتا کوپہ آ توفک تخیسہ لشکر کشی، شہری تے آ لشکر براہ راست سُمکاری کرفک۔
نُمے خبر مرے کہ 11 جولائی آ بلوچستان نا بنجاہی شہر ئٹی زوراکی ئٹ بیگواہ بندغ آ تا خاہوت آ تے ہم دِتری گوازی ئے لشکر ڈھکوک ادارہ آک پولیس نا زریعہ ئٹ کریر۔ ہرانگا کیہی زالبول چُنا ورناتے براہ راست سُمکاری نا نشانہ کریر، ہرافتے ہسپتال سر کننگ نا بجائے حوالات آ تیٹی شاغار۔
