خضدار آن سال ئس مُست پاکستانی فوج ئنا دُو آن زورئٹ بیگواہ مروک عبدالوہاب قلندرانی نا لمہ دنیا آن رخصت کرے۔
زورئٹ بیگواہ مروک ورنا عبدالوہاب باوہ نا پن عثمان قلندرانی توتک خضدار ٹی رہینگک، ہرادے پاکستانی فوج خدو بیست جون آ بولان کالونی خضدار آن ہلکنے درینے ہرا داسکان بیگواہ اے۔
عبدالوہاب نا لمہ تینا مار ئنا بیگواہی نا دڑد ئٹی درو سُہب ئنا اُست ئنا دورہ ہلّنگ آن جہان آن موکل کرے۔
نمے خبر اے کہ ہژدہ فروری اِرا ہزار یانزدہ ٹی پاکستانی فوج تینا لشکرکشی ٹی دا خاہوت نا بیست آن زْیات بندغ ہفّیسس بیگواہ کریسس، ہرافتان ہودہ بندغ داسکان بیگواہ ءُ۔
