ضلع کیچ ئنا ہند بلیدہ گلی ٹی رحمت پنی ءُ بندغ ئسے نا مار اسحاق اُرا نا حالیت وتنگ دستی آن تنگ مرسا خودکشی کرے۔
پاننگیک کہ ورنا لخ ئٹی چھٹ شاغِسہ خودکشی کرینے۔
تُدینی آن پد جون ئے ہندی ہسپتال آ رسیفیر، ہرانگا المی کاروائی آن پد جون خاہوت نا حوالہ کننگا۔ ہندی انتظامیہ تُدینی نا بارو ئٹ پٹ ءَ پول کننگ ءِ۔
نُمے خبر مرے کہ بلوچستان ئٹی اَسہ نیمہ غا بندغ آک مہنگائی بیروزگاری آن تنگ ءُ، ایلو نیمہ آ پاکستانی لشکر ہندی ڈیتھ اسکوائڈ نا کارندہ آک گام گام آ ورنا تے ہراساں کرسا بے دادی نا گواچی کیرہ ہرانا سوب آن کیہی ورناک لشکر نا بے دادی آن تنگ مرسا خودکشی کیرہ۔
