پنی آ بلوچ آزاتی دوست راہشون استاد واحد کمبر پشتو وطن دوست شاعر گلہ من وزیر نا شہیدی آ تینا درشان ئسیٹی پارینے کل استعماری طاغت تینا مذموم مسخت آ تیکن ورنا انقلابی شاعر گلہ من وزیر آ جلہو کرفنگ آن پد اودے علاج کن پیشن ڈیہہ ہننگ آن توریر، اودے وخت آ علاج رسینگتو ہرا نا سوب آن ورنا شاعر کذیت کرے۔ اونا کوش اَسہ بھلو نسخان ئسے ہرانا بننگ آن پد نن ڈکھیائی اُن۔
او پارے کہ گلہ من وزیر نا جانی نسخان آ ای کُل پشتون و اوغان راج ئتون تعزیت نا درشانی ءِ کیوہ۔ او تینا وطن و راج دوستانہ شاعری و راجی نظریاتی سیاست نا سوب آن مُدام یات کننگو۔ پشتون و محکوم راج آک ورنا تے اونا گھام تا رند آتیا ہنیسہ محکومی نا برخلاف تینا تحریک ئے مُستی دروئی مرو۔
