آواران نا ہند کولواہ ٹی پاکستانی لشکر اَسہ اُرا سے آ چھاپہ خلِسہ اَسہ ورناس ئسے اِرٹمیکو وار دزگیر کرسا بیگواہ کرے۔
بیگواہ کننگوک ورنا نا چاہنداری ڈاکٹر شہدار نا مار لیاقت نا پِن ئٹ مسُنے، ہراکل کولواہ نا ہند بزدار نا ہندی سے۔
ہندی حوالکار آ تا رد ئٹ 14 جولائی 2024 آ پاکستانی لشکر و ڈھکوک ادارہ آک اوفتا اُرا ٹی چھاپہ خلِسہ اودے بیگواہ کریر، زوراکی ئٹ بیگواہ کننگوک لیاقت ئے 2021 ئٹی ہم لشکر زوراکی ئٹ بیگواہ کریسس ہراکان پدا جسمانی بیدادی آن پد پاش کننگا۔
ہندی حوالکار آ تا دا ہم پاننگ اسک کہ بیگواہ لیاقت نا باوہ ڈاکٹر شہداد ئے پاکستانی لشکر اگست 2016 ٹی زوراکی ئٹ بیگوا کریسس، مُسہ چار دے آن پد آواران ئٹی اونا جون ویران جاگہ ئسے آن خننگاسس۔
بلوچ نیشنل موومنٹ ( بی این ایم) بندغی حق آتا ادارہ پانک لیاقت نا بیگواہی ئے پک کرِسہ اونا آجوئی نا خواست کرینے۔
