بلوچستان نا ضلع آواران آن پاکستانی لشکر اَسہ بندغ ئسے دزگیر کرِسہ بیگواہ کرے۔
بیگواہ مروکا بندغ نا پجار ضمیر ولد محمد نا پِن ئٹ مسُنے۔
بلوچ نیشنل موومنٹ ( بی این ایم )نا بندغی حق آتا ڈیپارٹمنٹ ” پانک “ ئنا رد ئٹ ہندا بندغ ئے پاکستانی لشکر آواران نا ہند مچی مالار آن نُہہ جولائی آ دزگیر کرینے ہراکان پد او بیگواہ ءِ۔
یاتی مرے کہ بلوچستان ٹی زوراکی ئٹ بیگواہی تا تُدینیک ہردے نا ہیت ءُ۔ ہرانگا ہردے نا بنیات آ دُہنو تُدینی رپورٹ مریک۔ راج پرست آ تا رد ئٹ بلوچستان ٹی زوراکی ئٹ بیگواہی تا برخلاف بین الاقوامی ادارہ آتا چُپی بلوچ آ تیکن سوالیہ نشان جوڑ مسُنے۔
