دا کاریمک بلوچ راجی زْرمبشت (بی این ایم) نا تہہ ئنا ہاٹی ئے سوگو کننگ و جہد ئے پین پادار کننگ کن ءُ۔
بی این ایم نا کماش ڈاکٹر نسیم بلوچ اسہ سیاسی دورہ سے آ برطانیہ ٹی اے۔ دا دورہ نا مکست جہانی تیبری آ بلوچ راجی جہد و بلوچستان ٹی مروکا بندغی حق آتا برخلافی ئے پھاش کروئی اے۔ دا دورہ ٹی ڈاکٹر نسیم بلوچ بی این ایم نا عہدیدار و باسک آتون ملّو۔ دا ملّنگ آتیٹ تنظیمی کاریم، حکمت عملی و بروکا کاریم تا بابت ئٹ غور کننگو۔
دا دورہ ٹی ڈاکٹر نسیم بلوچ برطانیہ نا پارلیمنٹ نا باسک آتون ہم ملّو۔ ہرانا مکست برطانیہ نا ریاست و عوامی نمائندہ آتہ بلوچ راج ئنا مسئلہ و اونا جہد آن پُہہ کننگ اے۔ او بلوچستان ٹی بندغی حق آتا برخلافی، سیاسی و معاشی حق آتا جہد و بلوچ راجی آجوئی نا جہد ئنا بارت ئٹ سرجمی ئٹ ہیت کرو۔
دا کاریم تون اوار ڈاکٹر نسیم بلوچ ایلو محکوم راج آتا نمائندہ آتون ہم ملّو۔ ملّنگ نا مکست بھازا محکوم راج آتا نیام ئٹی اواری و کمک نا جوزہ ودی کننگہ، ہرا تینا آجوئی و حق آتیک جہد کننگ ئٹی ءُ۔
ڈاکٹر نسیم بلوچ برطانیہ نا بلوچ مخلوق تون ہم ملّو، اوڑتون اوار اوار بی این ایم برطانیہ ہنکین نا کونسل دیوان ئٹی بشخ ہلو و غُٹ بینٹ (یونٹ) آتا ہنو، تاکہ تنظیم نا ہاٹی و باسک آتا یام ئٹی ڈست (رابطہ) ئے سوگو کننگہ۔
بی این ایم نا کماش نا دا دورہ جہانی تیبری آ بلوچ راجی جہد ئنا حق ئٹی توار ہفّنگ و اونا آجوئی نا جہد ئکن کمک دُوئی کننگ نا ارادہ ئے پھاش کیک۔ دا نہ بیرہ بلوچ جہد ئکن جْوانو گام ئسے بلکہ بھازا محکوم راج آتا یام ئٹی اواری و اسٹّی کن کسر ملو۔
