شال آن زورئٹ بیگواہ ظہیر احمد نا ایف آئی آر سی ٹی ڈی نا برخلاف کننگا، ہندن ہلّنگوکو پانزدہ برانز کروک یلہ کننگا۔ پانزدہ دے ئٹی کمیٹی ظہیر احمد ئے ہتو۔
اِستو شال ئنا برانز کروک و ریاستی وفد ئنا یام ئٹی گپ ءُ تران مس۔
ڈاکٹر ماہ رنگ بلوچ پارے کہ ظہیر بلوچ نا آجوئی کن دھرنا ٹی ریاستی وفد و انتظامیہ تون گپ ءُ تران مس ہراٹی ظہیر بلوچ نا زور ئٹ بیگواہی نا ایف آئی آر سی ٹی ڈی نا برخلاف کننگا۔ یانزدہ جولائی آ ہلّنگوکا برانز کروکاتان بیست ءُ یک پولیس تو توروک اسّہ، اوفتان پانزدہ ئے یلہ کننگا و شش ئے دو شنبے آ عدالت نا ملنگ آن پد آجو کننگو۔ یانزدہ جولائی آ امن ئٹ برانز کروکاتا برخلاف غُٹ مقدمہ آتہ چھٹّفنگو۔
ماہ رنگ بلوچ پارے کہ ظہیر بلوچ نا آجوئی کن اونا خاہوت تون اوار اسہ کمیٹی ئس جوڑینگو ہرا پانزدہ دے اسکان ظہیر بلوچ نا آجوئی کن کاریم کرو۔ اگہ پانزدہ دے ئٹی کمیٹی ظہیر بلوچ ئے ہتنگ کتّو تو اونا خاہوت ولدا تینا برانز ئے برجا تخو۔
