بلوچ یکجہتی کمیٹی نا راہشون ڈاکٹر ماہ رنگ بلوچ ہزار آ بندغ آتون ریلی نا وڑ آ شال ئنا ریڈ زون ئٹی ہنار۔ ہراڑے بندغ آک برانز کریر۔
ریلی ٹی زوراکی ئٹ بیگواہ ظہیر بلوچ تون اوار پین بیگواہ آ بندغ آتا خاہوت آک و شہری تا بھلو کچّ ئس اوار مس۔
دا وخت آ بندغ آتا بھلو کچ ئس ریڈ زون ئٹی ساڑی ءِ اوفتا خواست ءِ بیگواہ آ ظہیر بلوچ و پین بیگواہ آ بندغ آتے آجو کیر و دزگیر کروک آ برانزی تے یلہ کیر۔
اندا وخت آ ڈاکٹر ماہ رنگ بلوچ ایت کرِسہ پارے کہ دا امو جاگہ ءِ ہراڑے درو ننا لُمّہ و ایڑ ایلم تے بےدادی نا گواچی کننگا و آنسو گیس خسار۔ دا جاگہ آ ننا حق ارے ۔
او پارے کہ ریاست تون طاقت ارے ، فوج ارے ننا ننتو دا بندغ آک اریر دا ننا طاقت ءُ ۔
پوسکنو حوال ءِ کہ پولیس ریڈ زون ئٹی برانزی تا سُمکاری کرے ایلو نیمہ غا نادرست و کُل ءِ معلوم وردی والا ڈھکوک ایجنسیک پولیس وین ءِ خاخر تِسُر۔
