شال پولیس انتظامیہ بلوچ یکجہتی کمیٹی نا راہشون ڈاکٹر ماہ رنگ بلوچ و ایلو راہشون آتا برخلاف ایف آئی آر کرینے۔ ایف آئی آر ٹی پاننگانے کہ ڈاکٹر ماہ رنگ بلوچ، بیبگر بلوچ، بیبو بلوچ و حوران بلوچ درو بلوچستان پہُل آن ہاکی چوک اسکان ریلی ئس کشار و برانز کرسہ چوک ئے ہڑتوما نیمہ آن بند کریر، گاڈی تا ہِن ءَ بر ئے توریر و پاکستان نا برخلاف نعرہ خلکُہ، تقریر کریر۔
پولیس پارینے کہ دا دے ریڈ زون نا رکھ ئکن خَلوک کنٹینر آتہ پرغار و پولیس ئے خل کاری کرسہ زور ئٹ ریڈ زون ئٹی پیہار ہراڑے سرکاری گِڑاتہ و جاگہ آتہ نسخان تسّہ۔
پولیس نا پاننگ کہ خل کاری آن گِڑاس کارندہ ٹھپی مسّہ۔
ولے پولیس تینا زوراکی تا بارو ئٹ ہِچ ئس پاتو کہ او زور ئٹ بیگواہ ظہیر بلوچ نا بیگواہی نا ایف آئی آر ئے خاہوت نا برانز کننگ آن پد ہم فوج ئنا برخلاف انتئے کتّو، و بلوچی روایت نا برخلاف ریلی ٹی بلوچ نیاڑی تہ اِرا وار لٹ کُٹ کرے، ہندن ٹھپی آتہ درمان کننگ الّیتو۔
