بلوچ یکجہتی کمیٹی نا راہشون ڈاکٹر ماہ رنگ بلوچ ریڈ زون ہاکی چوک آ تولوک برانز ئٹی تران کرسہ پارے کہ چِھل بندغ داسکان یلہ متنو۔
اونا پاننگ ءِ کہ ظہیر بلوچ نا آجوئی و برانز کروکا تا یلہ مننگ اسکان برانز برجا مرو۔
برانز کروکا تیا لٹ کُٹ کننگا و خڑینکی گیس یلہ کننگا۔ ہرانا سوَب بھازاک ٹھپی مسر اوفتیٹ نیاڑی و چُھناک ہم اوار ءُ۔
ڈاکٹر ماہ رنگ بلوچ پارے کہ نوزدہ سال ئنا افتخار ئے درو نا امن ئٹ مروکا برانز ئٹی پولیس بھاز بےدادی نا گواچی کرے و اسپتال نا ہنوکا غُٹ کسر تے بند کرے۔ اینو سیول ٹرام سینٹر ئٹی ہُنّنگ آ سما تمّا کہ افتخار نا سرغ، بُوز و سینہ نا ہڈ آتیٹ تَل ارے۔ او ہندا حالت ئٹی ہم تینا لمّہ تون اوار دھرنا ٹی بشخ ہلّنگ کن بسّس۔
